بسم الله الرحمن الرحيم
أنا بنى أدم إنسان طيب....وكان نفسى أكون غلبان....بس معلش .......بنى أدم لأنى دايما بغلط....بس الصراحة مش بتمادى فى غلطى...بعرفه وبحدده وبعدين ببدأ أصلحه وبحاول أد ما أقدر مارجعلهوش تانى.....مش بعاند وبعترف أول بأول......أتمنى ماكونش كداب وانا بكتب الكلام ده.....لأن الانسان ساعات بيبقى عنده مشكلة فظيعة......إنه ممكن يكدب كدبة بينه وبين نفسه ويصدقها ويخلقلها مبررات ويخليها حقيقة حية صادقة....أتمنى ماتدقوش ورايا وانا عن نفسى مابحبش أكون كداب أنا دايما صريح صريح أوى......بس ادعولى ربنا يغفرلى ضعف نفسى وأدميتى وإنسانى مايجرنيش للخطأ والسهو والعصيان
أحلى حاجة فيا بحبها إسمى "إسلام" وأكتر حاجة بترفزنى فى نفسى الكسل والحيرة .....ماعنديش مشكلة مع أى حد فى الكون الزعل بيبقى فى لحظتها وبعدين بيروح بفضل الله.....أنا بسامح "أوتوماتيكيا" وبستغرب عالناس اللى مش بترض تسامح......مع إنه سبب من أسباب ان ربنا العظيييييييييييم يسامحنا إنه يقولنا أنا الملك بسامحكم..انتوا ليه ماتسامحوش بعضكم.....صح ليه لأ طالما فى مقدورنا...الندم وحش وانا أكتر مواقف بتدوسنى فى حياتى اللى بيكون فيها ندم....بس لولا الندم والخطأ ماكناش هنكون مش هطول أكتر من كدة بس هقول غايتى فى الحياة فى جملتين كنت كاتبهم على لسان" مصطفى تاجر البالونات" فى مسرحية " تاجر البالونات"
===========================
===========================
أعطنى المزيد من الحياة ودعنى أرى مافقدته فى حياتى المفقودة ، كنت أجهل .. دعنى أتعلم من جهلى ، وعندما أتعلم من جهلى .. سأعرف أننى مازلت جاهلا ... فهل إذا مازلت جاهلا ستعطنى المزيد من الحياة ، كى أرى مافقدته فى حياتى المفقودة.
ليست هناك تعليقات:
إرسال تعليق